Источник: http://www.workwebsite.ru/joomla/plugins/allvideos.html

21 лютага 2018 года  ў каледжы прайшоў конкурс відэаролікаў, прысвечаных  Дню роднай мовы. Мерапрыемства мела на мэце пашырэнне і паглыбленне ведаў па роднай мове, развіццё камунікатыўных якасцей, умення сумеснай дзейнасці навучэнцаў. У конкурсе ўзялі ўдзел навучэнцы першага курса. Аўтары відэаролікаў правялі невялікае апытванне: як навучэнцы, выкладчыкі і супрацоўнікі нашага каледжа валодаюць беларускай мовай. Сярод цікавых слоў былі акрэслены як свідравіна, падабайка, хмарачос і інш.

Пераможцам конкурса стаў ролік сумеснай творчай групы ХТНРМіВ-68.17/1 і АТПіВ-71.17/. Яго аўтары: Запольскі Радзівон, Карпук Вольга, Пруская Ксенія, Ульяна Федасевіч, Дзіяна Капачэўская. Другую пазіцыю заняла праца навучэнцаў групы МіЭЭ-84.17/1: Свістуна Максіма, Новіка Ягора і Вардзьі Улада. Трэцяе месца атрымаў праект Скібы Алесі (гр.ХТНРМіВ-65.17/1). Пераможцы будуць адзначаны сертыфікатамі на выдатную адзнаку па беларускай мове. Віншуем!